كلنا بنشترى حاجات وبيفيض نص جنية وجنية وجنية ونص
صح كلنا
اللى غنى والفقير
اللى بياخد الف واللىبياخد مية
يعنى موضوع الفكة دى مع الكل
والفكة دى ممكن تحطيها ف حتة وتنسيها
وممكن تديها لاولادك
وممكن تحطيها ف ايد حد غلبان وانتى ماشية ودى ياريت نعملها
بس بما ان اوقات بتحكم وبنالاقى اخر الشهر كده الدنيا زنقت معانا
فا مره ندى لمحتاج ومره تانى نعمل اللى هقولكم عليه ده
خلصتى شرا طلباتك ومعاكى فكة جنية ولا جنيهين ولا نص
هاتى بية حاجة باكو شاى صغير
كيس مكرونة
كيس صلصه كيسين ملح
بجنية صابون سايل
بتنين جنية فلفل اسود نص ولا ربع كيلو شعرية و لاربع عدس ولا صابونة حتى
ولا ربع فاصوليا بيضة ولا ربع لوبيا ولا نص كيلو رز ولا بجنية حلبة ولا
مكعبات شوربة ولا نص كيلو بسلة ولا كيلو طماطم او بطاطس ولا بصل ولا كيس
مكرونة سباكيتى
يعنى هتشترى اى حاجة بجنية او نص جنية او جنية ونص ان شالله
بيضتين حتى
او حلاوة بار اللى بنص جنية
المهم انك تشترى حاجة واحدة بس
ولما ترجعى البيت مش هتاكليه ولا تطبخيها لان انتى اساسا مش جايباها للاكل
لاء
انتى زى الشاطرة كدة هتفضيلهم درج ف المطبخ ول ضلفة ولا رف ف التلاجة ولا كرتونة
كدة ف اى ركن بعيد عن ايدك
وكل ماتشترى حاجة بالجنية ولا النص ولا الجنية ونص اللى كانوا فايضين منك
باقى مالوش لازمة كنتى زمانك اشتريتى بيهم لبان ولا شوكلاتاية
الحاجة اللى اشتريتها دى حطيها ف الكرتةنة ولا كانك اشتريتيها
وكل مرة ولا كل نزولة لمعاليكى هاتى حاجة بالفكة البسيطة دى وحطيها ف الكرتونة
وانسيها
ولا تقربيلها
......
.....
.....
انتو ف 3 اسابيع اول الشهر اللى بيبقى مصروف الشهر مستور فيهم
عملتى ثروة ف الكرتونة
بس بشرط
اوعى اوعى اوعى تروحى ناحية الكرتونة انسيها خالص ولا حتى تعدى اللى فيها
ارمى فيها وخلاص اللى اشتريتية بالفكة
هتيجى اخر اسبوع ف الشهر
تعملى اية
تاخدى الكرتونة
وتاخدى الحاجة اللى فيها وحطيها ف المطبخ
ودة استعملية الاسبوع دة
هتلاقى تلات تربع الحاجة اللى انتى محتاجاها والله
وعن تجربة
وماتستقليش بالربع كيلو ولا النص كيلو رز ولا اى حاحة من دول
والله هتمشيكى وربع مرة على نص مرة
هيبقى كتير
والتلات اسابيع فيهم 21 يوم شوفى بتنزلى كام مرة
وبيبقى معاكى كل مرة كام فكة
وبتجيبى اية
هتلاقى عندك 21 حاجة
لو جمعتيهم هيمشوكى ال7 ايام اللى فاضلين من الاسبوع
واوعى تتكسفى لما تروحى تشترى ربع ولا نص كيلو حاجة محدش لة عندك حاجة
جيبى كدة وحطيهم وانسيهم
وبعدين لماتتزنقى ف اخر الشهر طلعيهم
عارفة انتى كدة عملتى اية
عملتى ثروة من حاجات البيت من غير ماتحسى
ونفعتك اخر الشهر لما بتتزنقى
وعارفة لو انتى شاطرة باة
هيتوفر معاكى مصروف اخر اسبوع ف الشهر اد 100 ولا 50 ولا انشالله 20
اهو كلة ليكى وللعيال
ولا ينفعوا تجيبى بيهم حاجة ليكى ولا حتى ماينفعوش اهو يسندوكى اخر اسبوع
اللى احنا دايما ناسيينة من حساباتنا
موضوع: بيفضل معاكى فكة ؟؟؟تعالى اقولك تعملى بيها ايييييييه!!!!!!! 
الجمعة مارس 30, 2012 12:31 am
