الحكاية وما فيها في 16 خطوة بس ◔◡◔ .
▬▬▬▬▬▬▬▬▬▬▬▬▬▬▬▬▬
الحكاية ومافيها إن احنا عندنا مجلس عسكري قلبღـه علي البلد جداً ، ونفسه كل حاجة فيها تفضل سليمة بس لوحدها ◠◡◠ .
اتجمعنا وقت الثورة (طفرة) علي مطلب واحد (سبحان الله) وهتفنا ارحل (علقنا) ، وعلشان أرحل كانت قوية ، قام المخلوع سلم البلد للمجلس العسكري وإستأذنهم يريح هو شوية (وايكأن الثورة نجحت) .
وقال المخلوع للمجلس العسكري : هيكون معاكم كل حاجة بس حاولوا تلعبوا بحرفنه ، ولو حسيتوا إن الشغل مش ماشي تمام ، لبسوها في القانون والدستور وأنا عملكم محكمة إسمها الدستورية العليا انا اللي منقيهم علي الفرازة وميتخيروش عنكم بالظبط ومش بس كدا دول كمان أعلي سلطة قضائية في البلد.
▬▬▬▬
قشطة ッ ؟!
▬▬▬▬
- رد المجلس العسكري : قشطات シ ، واصدر تعليماته.
➊
قسملي الناس اللي في الميدان دول ، بإستفتاء لطيف
➋
العب بقى علي الشوية بتوع "نعم" علشان كتير حبتين حاول تقسمهم وتشويه صورتهم علي أد ما تقدر .
➌
هات بقى الشوية بتوع "لأ" وطلع عين أبوهم علشان ينزلوا مظاهرات وإعتصامات.
➍
وتعالى بقى علي الشوية بتوع "نعم" اطلب منهم مساعدة في إنقاذ البلد من العيال بتوع "لأ" بمليونية أكبر (29/7 ).
▬▬▬▬▬
ميت فل كدا
▬▬▬▬▬
➎
إعملي بقى إنتخابات مجلس شعب (ويكأن فية ديمقراطية).
▬▬▬▬▬▬▬▬▬▬
خدوها بتوع نعم صح ؟!
▬▬▬▬▬▬▬▬▬▬
➏
وقف بقى كل حاجة وأخلق أزمات في الهوا اللي الناس بتتنفسة.
▬▬▬▬▬▬▬▬▬▬▬▬
الناس إتخنقت؟! قشطة جداً
▬▬▬▬▬▬▬▬▬▬▬▬
➐
ارميها علي مجلس الشعب .
وأضرب علي الحديد وهو سخن وحل البرلمان بالقانون طبعاً .
➑
اعملي بقى إنتخابات رئاسة علشان الفستان يكمل .
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
كسبوها تاني بتوع "نعم" لكن بنسبة أأقل ؟! هانت خالص ⍲‿⍲
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
➒
نزلي بقى إعلان دستوري يخلي الضيف الجديد طرطور ومفيش في إيدة أي سلطة حقيقة .
➓
ونجحهولي بقى وابعتوا يلعب معانا.
➊➊
وركزلي شوية علي التشوية الإعلامي للضيف (الرئيس المنتخب)
➋➊
العب تاني علي الشوية بتوع "لأ" لأنهم مهمين دلوقتي إعمل منهم طرف تالت تيار تالت المهم النفسنة والترصد يشتغلوا .
➌➊
سخنلي بقى الناس في الشارع علي الهادي (وطي النار) علشان في خلال 100 يوم يكونوا ولعوا والطبخه تحلو .
➍➊
وقتها خلص الحكم بتاع حل جماعة الاخوان لصالح الحل خلي الإخوان هما كمان يسخنوا .
▬▬▬▬▬▬▬▬
هاجت الدنيا أكتر ؟!
▬▬▬▬▬▬▬▬
➎➊
استبعد مرسي من الرئاسة بحكم قانوني من الدستورية العليا.
➏➊
عيد بقى حسابات دولتك من تاني وكل ثورة وانت طيب .
▬▬▬▬▬▬▬▬▬▬▬▬▬▬▬▬▬▬▬▬▬▬▬
"وَقَدْ مَكَرُوا مَكْرَهُمْ وَعِنْدَ اللَّهِ مَكْرُهُمْ وَإِنْ كَانَ مَكْرُهُمْ لِتَزُولَ مِنْهُ الْجِبَالُ (46) فَلَا تَحْسَبَنَّ اللَّهَ مُخْلِفَ وَعْدِهِ رُسُلَهُ إِنَّ اللَّهَ عَزِيزٌ ذُو انْتِقَامٍ (47)" سورة: إبراهيم
بقلم / هلال المصرى
موضوع: الحكاية وما فيها في 16 خطوة بس ◔◡◔ . 
الأربعاء أغسطس 01, 2012 1:04 am
